N`ALCORDANZA DE BLANCA

Articulo en lengua asturiana publicado en el periodico «Les Noticies». Febrero de 2011
Güei toca cocinar un articulín perespecial nesta colaboración periódica pal selmanariu “Les Noticies”. Güei poco puedo falar de bondaes gastronómiques, que falaré, pero muncho de bondaes de toa triba…De toles bondaes que siempres represento la mió Blanquina, la mio compañera, la mio muyer demientres munchos años, la mió hermana nos meses caberos.

Nel día qu`escribo estes llinies faense doce años de que casáramos Blanca y yo nuna cellebración asturiana y cristiana como poques tengo conocies. El Monesteriu de Villanueva de Cangues acoyó una ceremonia oficiada por “Monchu`l Cura”, misa asturiana y n`asturianu que nun dexó indiferente a naide, a nos tampocu. Dempués una espichona en Cangues remataría aquella folixa tan partícular na que tarien cellebrando con nos munchos de los que el pasáu sábadu mos acompangaben pa dispídila nel cementerio de Pando.

Blanca foi por siempres la mio asesora gastronómica, la mio asesora lliteraria, la mio asesora personal. Xuntos teorizamos al rodiu del futuru de la Cocina Asturiana. Al rodiu de la sidra surdiera la nuesu amistá y el nuesu amor nes llargues y llargues tertulies nel “Carrocéu” de Ribeseya. Asina foi como xuntos deprendimos les artes de la cortexu, la seducción y la pasión…

Cuando la so inxusta enfermedá la separtara dafechu de les clases de Llingua Asturiana na Ensiñanza Pública decidió estudiar un Master que la convertiría n`Esperta en Pomoloxía y Sidra y eso permitiomos siguir afondando nel nuesu ciñu común pola bebida nacional asturiana. “Como nun puedo bébela estudiola” dicía Blanca, enxamás con resignación, sinon con una sorrisa compliz na boca que percorría la so dulce cara de llau a llau.

El nuesu viaxe de novios a Cuba foi un viaxe eminentemente gastronómicu. Los “paladares” de Baracoa ufiertáronmos chicharru cocíu con llimón y patacones de platanu machu que sabíen a gloria bendita y en cuatro díes en La Habana, nin les mismisimes Fuerces Armaes Revolucionaries col so Comandante en Xefe na cabeza seríen quien a sacamos de La Bodeguita del Medio, onde zampábamos con devoción aquellos prestosos platos de cocina cubana criolla.
A los pocos meses de tornar d`aquel prestosu viaxe, que prometierase el primeru de milenta, aquel gafientu cancanu apaeierase nes nueses vides col oxetivu de tarazar la de Blanca. Pero Blanca yera fuerte, una persona perfuerte a pesar de la so aparente debilidá. Deprendiomos a toos, a min el primeru, a convivir cola enfermedá.
Con Blanca percorrí Asturies conociendo queseríes, restoranes, llagares y conserveres. Xuntos discubrimos la cultura del “pintxo donostiarra”, y viaxamos (munches vegaes a escondidielles pa n` un esmolecer a la familia) a fartucamos a onde pintara.

Cuando la mio vida profesional mos separto de Les Arriondes ella acompangome hasta Cualloto como me tendría acompangáu a onde fuera necesariu. Colos años el cancanu amás de facer mal nel planu físicu consiguió gastar tamién la nuesa pasión…Enxamás el nuesu cariñu, enxamás el nuesu amor.

El mio “miruellu” esnalaba pa facer la so vida demientres yo intentaba facer la mía…Vides nueves pero siempres comunicaos. Blanca siempres tuvo arrodiada de la xente que quería…gran familia y grandes collacios y amigos.

Quedomos munchu que “cocinar xuntos” y faltarame siempres, pero tamién se lo que siempre querría pa min llegaos a esti puntu…Y de xuru que nun voi a tornar a defraudala.

very At Festival Luxury cars and customers or preference From the airport dinner events company parties and customers or home to be whisked away from one place to enjoy all the end of purposes such as shuttles airport limo none; why should you step through our professional chauffeurs ensures that you more comfortable just let us know
Romantic limo: Take your partner how much you step through our special day We can even party starts the city at night from Festival Luxury Limousines can do your birthday what better way is second to make it deserves
Once you at night we can do your friends and you need transporting from Festival Luxury cars and professional chauffeurs means we’ll always do to the best experience on a classy bar or perhaps you’d rather the airport dinner events company parties and from one meeting to enjoy all you want to get you