Cartel Bollu de La Peruyal añu 2011

Güei ya ye anuncia nel diariu La Nueva España, y enseguida el mio amigu Toni Somoano se fexo ecu de la mesma na so web Arriondas.com. Esti que esgarabatia (escribir ye otra cosa) sedrá el pregoneru de les Fiestes del Bollu de La Peruyal 2013. Les fiestes de LES ARRIONDES, asina con mayuscules, o d`Arriondes, o d`Arriondas si vos peta, que nun voi poneme yo güei intransixente con una villa que tantu me tien dau y a la que tantu debo. Les fiestes de la capital del conceyu de Parres.

Ye por ello que voi permitime escribir nel mio blog tan solu unes llinies de agradecimientu a la Sociedá La Peruyal por acordase de min pa dalgo tan trascendente pa un parragues, de ñacencia o non. Pa un «rápidu» de nación o de pación. Pa cualisquier «peruyalu» o «peruyala» que se precie.

Los que me conoceis enforma sabeis que que pa mi Les Arriondes ye mio casa, mio pueblu. Nun arreniego de la mio Ribeseya de ñacencia, infancia y adolescencia pero… Que quereis que vos diga, en Les Arriondes ficeme un paisano y pente parraguesos y parragueses pase dalgunos de los meyores años de mio vida.

Espero nun defraudavos el prósimu sábadu, 27 de Xunetu cola llectura del mio pregón del Bollu de La Peruyal 2013… Nin a vosotros/es , nin a los/es que mos falten.

Munchisimes gracies Parres. Munchisimes gracies Pueblu!!