Entre plato y plato

El blog de Lluis Nel Estrada

Apuntes gastronómicos en Asturias24.es

Apuntes gastronómicos en Asturias24.es

por | 20 Jun 2014 | No sólo gastronomía

Desde fae unes selmanes, nun entamu n`intervalos quincenales y agora ya de siguíu, vengo espublizando pequeños apuntes y reflesiones arreyaos a la gastronomía y la producción agroalimentaria asturiana. Estos apuntes, estes ñotes, estos artículos… Como lo queráis llamar, tan espublizaos en llingua castellana y aborden temes de lo más diversu. Enllazo equí cola cabera d`estes collaboraciones, entitulada «La erótica del producto asturiano». Que vos preste. ¡Un saludu... leer más
De cofrades y siceratores

De cofrades y siceratores

por | 19 May 2014 | No sólo gastronomía

Tres d`un añu d`esistencia de la Bona Cofradía de los Siceratores d`Asturies, esti colectivu cellebraba el sábadu 17 de Mayu el so segundu Gran Capitulu. Pa los profanos nesto de les cofradies gastronómiques puede nun arresultar cenciello pescanciar que representen rialmente estes agrupaciones qu`embaxu l`apellidu de  Orden, Cofradía, Circulu, u Asociación arrexunten a Caballeros, Amigos, Defensores o Siceratores, en pro de productos como los Nabos, el Sabadiegu, la Sidra, l`Anchoa de Santoña, el Gamonéu o el Chosco de Tineo. La so estética y les sos formes, la nuesa porque tengo l`arguyu de formar parte dende`l so aniciu d`esta cofradía, caleya pente lo medieval, lo masónicu, lo lúdicu y lo friki a partes iguales. Pa dalgunos puede tener un aquello ritualísticu, pa los más collorista, pa unos pocos, y nun sere yo, aun siendo Cofrade Sicerator de númberu quien lo ñegue, quiciavis un daqué «enranciao», pero lo ciertu ye que esti tipu de coleutivos tan faciendo un trabayu pergrande na promoción y defensa de productos agroalimentarios d`alta calidá dende los llugares de producción y orixe de toos y caun d`ellos. Equí, n`Asturies, dempués de munchos años cuntando con unes poques Cofradíes de renome y llarga trayectoria tales como los Caballeros de la Orden del Sabadiegu, los Amigos de los Quesos del Principado o los Amigos de los Nabos de Morcín, nos últimos años y meses tamos viendo como estos colectivos espoxiguen d`aquella manera con incorporaciones tales como la de la Cofradía del Gochu Asturcelta, la mentada Bona Cofradía de los Siceratores d`Asturies, El Circulu Gastronómicu de los Quesos Asturianos, la Cofradía d`Amigos de les Fabes de Villaviciosa o la recién... leer más
Pregón de la 34 Edición del Certamen del Quesu d’Afuega’l Pitu

Pregón de la 34 Edición del Certamen del Quesu d’Afuega’l Pitu

por | 19 Ene 2014 | No sólo gastronomía

La Foz (Morcín). 19 de Xineru de2014 Bon día pueblu!! Bon día a tola xente de bien, que tuvo a bien averase nesti domingu de xineru a esti certamen queseru del Afuega`l Pitu; que ye un clásicu, amás de polos sos 34 años d`hestoria tamién por ser el primer certamen y feria quesera del añu. La primer cita na que los quesómanos y quesoadictos asturianos y algunos, ca vegada más, que nun lo son, nos averamos fasta esti prestosu y caprichosu requexu de la xeografía asturiana, que ye La Foz de Morcín, pa esfrutar de los meyores quesos artesanales de cuayada ácida, seyan blancos o roxos, de trapu o troncocónicos, que da la rexón centro y occidental asturiana. Vais permitime que dea esti pregón na llingua de da nome al quesu d`Afuega`l Pitu, que nun ye otra que la llingua na que falen los quesos artesanales asturianos, na llingua que fala Asturies. Y vais permitime tamién qu`agradeza públicamente a la Hermandá la Probe y a Pepe Sariego el fechu de que recurrieran a mi pa pregonar esti certamen, pasando a formar parte de toa una riestra de xente conocíu ya reconocíu,  pente illustres académicos y universitarios, espertos del mundiu de la gastronomía y la comunicación ya personaxes relevantes por unu u otru motivu. Dende la humildá. Gracies. Toi orgullosísimu de tener esti honor, pero toílo entá más por facelo  nesta edición de 2014 compartiendo escenario con dos, o meyor tres, galardonaos que, como yó, vienen de la comarca oriental asturiana. Col Afuega`l Pitu d`Oru Jose Antonio Campoviejo; colega, amigu y vecín de Les Arriondes y ún de los másimos... leer más

Archivos